డెలివరీ దగ్గర పడుతోంది

బాలీవుడ్ అగ్ర హీరోయిన్ దీపిక పదుకోన్ ఇప్పుడు ఏడు నెలల గర్భవతి. సెప్టెంబర్లో ఆమెకి డెలివరీ డేట్ ఇచ్చారు డాక్టర్లు. మొన్నటి వరకు తన బేబీ బంప్ ని చూపించేందుకు చాలా అవస్థలు పడింది. కానీ ఇప్పుడు గర్వంగా తన బంప్ ని చూపిస్తోంది.

ఇటీవల అంబానీ కొడుకు పెళ్ళి సంబరాలకు దీపిక పదుకోన్ తన భర్త రణ్వీర్ సింగ్ తో కలిసి వచ్చింది. చీరలో ఆమె బేబీ బంప్ పెద్దగా కనిపించింది. ఆ ఫోటోలను షేర్ చేసింది. అలాగే సోషల్ మీడియా సెలేబ్రిటిగా పేరొందిన Orryతో కలిసి ఈ జంట ఆ పెళ్లి వేడుకలో దిగిన ఫోటో బాగా వైరల్ అయింది.

దీపిక ఇటీవల “కల్కి 2898 AD” సినిమాలో నటించింది. అందులో కూడా ఆమెది గర్భవతి పాత్రే. తల్లి కావాలనుకునే సుమతి అనే యువతిగా నటించింది. “కల్కిలో దీపికని గర్భంతో చూసినప్పుడు విచిత్రంగా అనిపించింది. రియల్ లైఫ్, రీల్ లైఫ్ కలిసిపోయిన సర్రియల్ అనుభూతి కలిగింది,” అని ఇటీవల ఆమె భర్త రణ్వీర్ సింగ్ అన్నాడు.

దీపిక నటించిన “సింగం అగైన్” అనే చిత్రం త్వరలోనే విడుదల కానుంది. ఆమె ఇంకా కొత్తగా సినిమాలు ఒప్పుకోలేదు.