సుకుమార్ స్పీడ్ పెంచగలడా?

‘పుష్ప 2’ సినిమా షూటింగ్ కొంతకాలంగా ఆగింది. ప్రస్తుతం రామోజీ ఫిలింసిటీలో వేసిన సెట్ లో మళ్ళీ షూటింగ్ మొదలు పెట్టేందుకు సన్నాహాలు చేస్తున్నారు. అన్నీ కుదిరితే వచ్చే వారం షూటింగ్ మొదలు కావొచ్చు. బన్నీ, రష్మిక హీరోహీరోయిన్లుగా నటిస్తున్న ఈ సినిమాను వీలైనంత తొందరగా ఫినిష్ చెయ్యాలని భావిస్తున్నాడు దర్శకుడు సుకుమార్.

డిసెంబర్ 6న విడుదల కానుంది. ఇంకా 60 రోజులకు పైగా షూటింగ్ చెయ్యాలి. 60 రోజుల పని చెయ్యాలి అంటే దర్శకుడు సుకుమార్ కి మూడు నెలలకుపైగా పడుతుంది. అందుకే నిర్మాతలు కొంచెం కంగారు పడుతున్నారు.

మరోవైపు విజయ్ దేవరకొండ తాజాగా శ్రీలంకలో షూటింగ్ చేస్తున్నాడు. తన 12వ చిత్రాన్ని గౌతమ్ తిన్ననూరి దర్శకత్వంలో చేస్తున్నాడు దేవరకొండ. ఇంకా పేరుపెట్టని ఈ సినిమా షూటింగ్ శ్రీలంకలోని వివిధ లొకేషన్లలో జరుగుతోంది.

వెంకటేష్, అనీల్ రావిపూడి సినిమా కూడా సెట్స్ పైకి వచ్చింది. హైదరాబాద్ పరిసరాల్లో తొలి షెడ్యూల్ జరుగుతోంది. వెంకటేష్ సరసన మీనాక్షి చౌదరి నటిస్తోంది.