విష్ణుప్రియ ఔట్

సీజన్ ముగియడానికి సరిగ్గా మరికొన్ని రోజులు మాత్రమే ఉందనగా.. బిగ్ బాస్ హౌజ్ గ్లామర్ కోల్పోయింది. హౌజ్ నుంచి విష్ణుప్రియ ఎలిమినేట్ అయింది. గేమ్ తో సంబంధం లేకుండా ఇన్నాళ్లూ తన అందచందాలతో ఆకట్టుకున్న విష్ణుప్రియ చివరాఖరుకు హౌజ్ నుంచి నిష్క్రమించింది.

దాదాపు 3 నెలల పాటు ఆమె హౌజ్ లో కొనసాగింది. నిజానికి ఆమె ఎప్పుడో ఎలిమినేట్ అవుతుందని అంతా అనుకున్నారు. ఎందుకంటే, ఇంతకుముందే చెప్పుకున్నట్టు గేమ్ తో సంబంధం లేకుండా వ్యవహరించేది విష్ణుప్రియ. ఒక దశలో పృధ్వీతో ఆమె ప్రేమాయణం సాగించినట్టు ప్రకటించుకుంది. తన ప్రేమను కూడా వ్యక్తం చేసింది.

అలా హౌజ్ ను తనవైపు తిప్పుకునే ప్రయత్నం చేసింది, కానీ విష్ణు ప్రియ సొంత గేమ్స్ హౌజ్ లో పనిచేయలేదు. దానికితోడు ఆమె నోటి దురుసు, నిర్లక్ష్యంతో చేసిన తప్పులు ఆమెను ఎలిమినేషన్ వైపు లాగేశాయి.

ఎలిమినేట్ అయినప్పటికీ డబ్బుల పరంగా విష్ణుప్రియకు బాగానే గిట్టుబాటు అయినట్టు తెలుస్తోంది.

వాస్తవానికి 45 రోజులకే ఆమె హౌజ్ నుంచి బయటపడాలి. ఆ తర్వాత షరతులు-నిబంధనలు-పేమెంట్స్ లో చిన్నచిన్న మార్పులు చేసుకొని, ఇన్నాళ్లూ ఆమె కొనసాగినట్టు చెబుతారు. తాజా సమాచారం ప్రకారం, విష్ణుప్రియ రూ.45 లక్షలు పేమెంట్ తీసుకున్నట్టు చెబుతున్నారు. ఈ సీజన్ లో ఇదే అత్యథికం.