శంకర్ బద్నామ్ అయ్యాడు

దర్శకుడు శంకర్ తన మాట, రామ్ చరణ్ మాట వినలేదు అని మరోసారి స్పష్టం చేశారు ప్రముఖ నిర్మాత దిల్ రాజు. ఆయన పెద్ద దర్శకుడు కాబట్టి ఆయనని తాము కూడా గట్టిగా అడగలేకపోయామని దిల్ రాజు చెప్పారు. అందుకే, “గేమ్ చేంజర్” సినిమా అలా ఘోరంగా ఫ్లాప్ అయింది.

శంకర్ ఆలోచనలు ఒకప్పుడు గొప్పగా ఉన్నా… ఆయన కథలు, సన్నివేశాల విషయంలో ఒక చోట ఆగిపోయారు అని గత రెండు చిత్రాలు చూస్తే అర్థమైంది. “భారతీయుడు 2”, “గేమ్ చేంజర్ 2” సినిమాలతో ఆయనలో కథాపరంగా కొత్త ఆలోచనలు లేవు అని రుజువైంది. భారీగా పాటల చిత్రీకరణ వల్ల ఇప్పుడు ఉపయోగం లేదు.

శంకర్ చేసిన నిర్వాకం అంతా దిల్ రాజు ఆఫ్ ది రికార్డు చాలా చెప్పారు. ఆన్ ది రికార్డు మాత్రం ఆయన అనుకున్నది తీశారు తప్ప తాము ఏమి అతన్ని ఏమి అనలేకపోయామని చెప్పారు. నేను చేసిన అతిపెద్ద తప్పు శంకర్ తో సినిమా తీయడమే అని డైరెక్ట్ గా చెప్పేశారు దిల్ రాజు.

దిల్ రాజే కాదు తమిళ చిత్రసీమలో కూడా శంకర్ చాలా బ్యాడ్ అయ్యారు. లైకా ప్రొడక్షన్స్ సంస్థ శంకర్ తో లీగల్ వార్ చేస్తోంది. అక్కడ మిగతా నిర్మాతలు ఎవరూ శంకర్ తో సినిమాలు చేసేందుకు సాహసం చెయ్యడం లేదు. ఇప్పుడు ఆయన చాలా బ్యాడ్ అయ్యారు.