​అప్పట్లో నేనే మొదలుపెట్టా!

సినిమా హీరోల్లో చాలామంది బాగా తాగుతారు – మందుతో పాటు సిగరెట్లు. ప్రస్తుతం తెలుగు, తమిళం, హిందీ భాషల్లో వెలుగొందుతోన్న పలువురు హీరోలు సెట్స్ లో కాల్చే సిగరెట్లు గురించి చెప్తే అదో పెద్ద కథ అవుతుంది. 80లల్లో, 90లలో కూడా చాలా మంది స్టార్స్ చైన్ స్మోకర్స్. సూపర్ స్టార్ రజినీకాంత్ బహిరంగంగానే తాను సిగరెట్లు తెగ కాల్చేవాణ్ణి అని తెలిపారు.

ఇక ఈ తరం హీరోయిన్లలో పలువురు మందుకు అడిక్ట్ అయ్యారు. ఐతే, 90లలో షూటింగ్ లొకేషన్ లలో హీరోయిన్లు పద్దతిగా ఉండేవాళ్ళు. హీరోల్లోలా సిగరెట్లు తాగేవాళ్లు కాదు. కానీ, తాను రెబెల్ గా ఉండేదాన్ని అని, అప్పట్లో తానే హీరోయిన్లు కూడా సిగరెట్లు తాగే ట్రెండ్ కి శ్రీకారం చుట్టాను అని మనీషా కొయిరాలా తాజాగా తెలిపారు.

“హీరోలు ఏమి చేసినా నడుస్తుంది. హీరోయిన్లు మాత్రం ఒక పద్దతిగా ఉండాలి అని అప్పట్లో చెప్పేవాళ్ళు. ద్వంద్వ ప్రమాణాలు నాకు నచ్చేవి కావు. అందుకే నేను కొన్ని పనులు కావాలనే చేశాను. అవి మంచి అలవాట్లు కాదు అని తెలుసు కానీ ఆడవాళ్లను ఒక తీరుగా, మగవాళ్ళను ఒక తీరుగా చూసే పద్దతికి నిరసనగా అవి చేశా,” అని మనీషా కొయిరాలా తెలిపారు.

“ధూమపానం, మద్యపానం ‘హీరోయిక్’గా చూసేవాళ్ళు. అదే హీరోయిన్ చేస్తే విమర్శించేవారు. దాంతో నేను అవి చేయడం ప్రారంభించాను. నేను కొంతవరకు తిరుగుబాటు చేశా. కావాలంటే నేను సెట్లో సిగరెట్లు తాగడం ప్రారంభించాను,” అని వివరించారు.