డైరక్టర్ అవ్వాలని అనుకుందట

మాళవిక మోహనన్ మరో గమ్మత్తైన విషయాన్ని బయటపెట్టింది. చాలామంది డాక్టర్ అవుదామని యాక్టర్ అయ్యామని చెబుతుంటారు. మాళవిక మోహనన్ మాత్రం డైరక్టర్ అవుతాదమనుకొని హీరోయిన్ గా మారిందంట.

రీసెంట్ గా ఇచ్చిన ఓ ఇంటర్వ్యూలో ఈ విషయాన్ని ఆమె బయటపెట్టింది. ‘రాజాసాబ్’ రిలీజ్ కోసం ఈగర్ గా వెయిట్ చేస్తున్న ఈ బ్యూటీ.. తనకు దర్శకత్వం అంటే తెగ ఇష్టమంటోంది. దర్శకత్వానికి సంబంధించి ఈమె కొన్ని పుస్తకాలు కూడా చదివిందంట.

అలా దర్శకత్వం వైపు వద్దామని ఆలోచన చేస్తున్న టైమ్ లో యాడ్స్ అవకాశాలు రావడం, ఆ తర్వాత సినిమా ఛాన్సులు రావడంతో నటన వైపు వచ్చానంటోంది ఈ బ్యూటీ. తమిళ్ లో విజయ్ సినిమాతో పాపులర్ అయిన ఈ చిన్నది, తెలుగులో ప్రభాస్ సినిమాతో రైజ్ అవ్వాలనుకుంటోంది.

హీరోయిన్ గా కెరీర్ కొనసాగిస్తున్నప్పటికీ, ఏదో ఒక టైమ్ లో దర్శకత్వం చేస్తానంటోంది మాళవిక. ఒకవేళ దర్శకురాలిగా మారకుంటే, మంచి ఫొటోగ్రాఫర్ గా స్థిరపడేదాన్నని చెప్పుకొచ్చింది.

మాళవిక తండ్రి మోహనన్ పేరొందిన కెమెరామెన్. తెలుగులో మహేష్ బాబు హీరోగా రూపొందిన “మహర్షి”, విజయ్ దేవరకొండగా రూపొందిన “ఫ్యామిలీ స్టార్” వంటి చిత్రాలకు కెమెరా అందించారు. బాలీవుడ్ లో బడా సినిమాలు ఎన్నో తీశారు తన కెమెరాతో. సో, తండ్రి కెమెరామెన్ కాగా ఆమె హీరోయిన్ గా మారింది. ఇప్పుడు డైరెక్టర్ అవ్వాలనుకుంటోంది.