బరువు తగ్గినా లాభం దక్కలేదు!

హీరోయిన్లు చూడ్డానికి ఎంతో అందంగా కనిపిస్తారు. అదే టైమ్ లో చాలా కష్టపడతారు కూడా. ముఖ్యంగా బరువు మేనేజ్ చెయ్యడం కోసం వాళ్ళు పడే కష్ఠాలు అంతా ఇంతా కాదు. ఆ మధ్య ఆమె యాక్సిడెంట్ కు గురైంది. పూర్తిగా బెడ్ రెస్ట్ తీసుకోవడంతో కాస్త లావెక్కింది.

అదే సమయంలో ఆమెకి హీరోయిన్ గా అవకాశం ఇచ్చారు దర్శకుడు పూరి జగన్నాధ్. “డబుల్ ఇస్మార్ట్”లో నటించాలంటే బరువు తగ్గాలని చెప్పారట. ఆమెకు 2 నెలలు టైమ్ ఇచ్చి స్లిమ్ అవ్వాలని చెప్పారట.

ఆ మాటని ఛాలెంజింగ్ గా తీసుకొని 2 నెలల్లో బరువు తగ్గి చూపించిందట కావ్య. అలా “డబుల్ ఇస్మార్ట్”లో రామ్ సరసన నటించింది.

అంత కష్టపడినా ఆమెకి కలిగిన ప్రయోజనం ఏమి లేదు. ఆమెకి దక్కిన పాత్రలో కొత్తదనం లేదు. సినిమా కూడా దారుణ పరాజయం చూసింది. రెండు నెలలు శ్రమించి బరువు తగ్గితే సినిమా రెండు రోజులు కూడా ఆడలేదు.

కావ్య థాపర్ ఖాతాలో మరో ఫ్లాప్ గా నిలిచింది ఆ మూవీ. ఆమె ఇంతకుముందు తెలుగులో “ఏక్ మినీ కథ” (డైరెక్ట్ గా ఓటిటి లో రిలీజ్), “ఈగిల్” (ఫ్లాప్), “బిచ్చగాడు 2” (యావరేజ్), “ఊరు పేరు భైరవకోన” (యావరేజ్) చిత్రాల్లో నటించింది.

ఇప్పుడు గోపీచంద్ సరసన “విశ్వం”అనే సినిమాలో నటిస్తోంది. శ్రీను వైట్ల తీస్తున్న ఈ మూవీ ఆడితేనే ఆమెకి కెరీర్ ఉంటుంది.