వార్నింగ్ ఇచ్చిన రెహమాన్

సంగీత దిగ్గజం ఏ ఆర్ రెహమాన్, ఆయన భార్య సైరా విడిపోతున్నట్లు ఇటీవల ప్రకటించారు. 29 ఏళ్ల వారి కాపురానికి అలా ముగింపు పడడం అందర్నీ ఆశ్చర్యపరిచింది. అందుకే, రెహమాన్, ఆయన భార్య మధ్య విభేదాలకు కారణం ఏంటి అనే విషయంలో రకరకాల పుకార్లకు కారణమైంది. అందులో ప్రధానంగా వినిపించిన మాట.. రెహమాన్ తన వద్ద పనిచేసిన మోహిని దే అనే సంగీత వాద్య కళాకారిణితో అనుబంధమే ఆయన విడాకులకు దారితీసింది అనే సోషల్ మీడియా కోడై కూసింది.

ఐతే, ఈ పుకార్లని పట్టించుకోను, అర్థంపర్థం లేని వాటికి స్పందించలేను అంటూ మోహిని ఇన్ స్టాగ్రామ్ లో రాసుకొంది. ఇక రెహమాన్ కొడుకు అమీన్ కూడా స్పందించాడు. మా నాన్న విలువలు, వ్యక్తితం తెలిసిన వారెవ్వరూ ఇలాంటి పిచ్చి పుకార్లు పుట్టించరు అని అన్నాడు.

ALSO READ: Mohini reacts to link-up reports with AR Rahman

చివరికి రెహమాన్ కూడా ఘాటుగా హెచ్చరిక చెయ్యాల్సి వచ్చింది. ఇలాంటి పుకార్లు ప్రచారం చేస్తున్న మీడియా, సోషల్ మీడియా అకౌంట్లపై న్యాయపరమైన చర్యలు తీసుకుంటాను అని ప్రకటించారు.

“24 గంటల్లో తన ప్రతిష్టకు భంగం కలిగేలా ప్రచారం చేసిన అబద్దాలను తొలగించకపోతే చర్యలు తీసుకుంటాను,” అని రెహమాన్ తన లాయర్ ద్వారా ప్రకటన విడుదల చేశారు.