విశాల్ కాబోయే భార్య: ఎవరీ ధన్సిక?

హీరో విశాల్, హీరోయిన్ సాయిధన్సిక పెళ్లి చేసుకోబోతున్నారు. ఈ విషయాన్ని వాళ్లిద్దరూ అధికారికంగా ప్రకటించారు. ఆగస్ట్ 29న విశాల్-ధన్సిక పెళ్లి.

ఈ రోజు ధన్సిక నటించిన ‘యోగిదా’ సినిమా ఫంక్షన్ జరిగింది. ఈ వేదికపై విశాల్ తన ప్రేమ విషయాన్ని బయటపెట్టాడు. తన జీవిత భాగస్వామిని కనుగొన్నానని, త్వరలోనే ఆమెను పెళ్లి చేసుకుంటానని తెలిపాడు.

ఇదే విషయాన్ని, అదే సభలో ధన్సిక కూడా బయటపెట్టింది. తామిద్దరం ఎప్పట్నుంచో ప్రేమించుకుంటున్నామని, రీసెంట్ గా పెళ్లి గురించి మాట్లాడుకున్నామని, ఆగస్ట్ 29న పెళ్లి చేసుకుంటున్నామని ప్రకటించింది.

ఓ పెద్ద సమస్యలో ఉన్నప్పుడు ధన్సిక ఇంటికొచ్చి ఓదార్చాడంట విశాల్. అప్పుడే ఇద్దరి మధ్య ఓ మేజిక్ మూమెంట్ క్రియేట్ అయిందంట. అప్పట్నుంచి టచ్ లోనే ఉన్నామని, ఆ తర్వాత ప్రేమలో పడ్డామని, ఇప్పుడు పెళ్లితో ఒకటి కాబోతున్నామని తెలిపింది సాయిధన్సిక.

ఎవరీ సాయి ధన్సిక

సాయి ధన్సికకి 35 ఏళ్ళు. విశాల్ కి 47 ఏళ్ళు. సాయి ధన్సిక తమిళ సినిమాల్లో చాలా కాలంగా నటిస్తోంది. “పరదేశి”, “లాభం”, “కబాలి” వంటి సినిమాల్లో నటించింది. “కబాలి”లో రజినీకాంత్ కూతురిగా కనిపించింది. ఇన్ స్టాగ్రామ్ లో 5 లక్షల మంది ఫాలోవర్స్ ఉన్నారు. దాదాపు 18 ఏళ్లుగా నటిస్తోంది.