బాబాయి కోసం అబ్బాయి ప్రచారం

పిఠాపురం నుంచి పవన్ కళ్యాణ్ పోటీ చేస్తున్న విషయం మనకు తెలుసు. జనసేన అధ్యక్షుడు పవన్ కళ్యాణ్ తన కూటమి అభ్యర్థుల కోసం పలు ప్రాంతాల్లో పర్యటిస్తూ ప్రచారం చేస్తున్నారు. దాంతో పవన్ కళ్యాణ్ గెలుపు కోసం పిఠాపురంలో పలువురు సినిమా సెలెబ్రిటీలు ప్రచారం మొదలుపెట్టారు.

ఇప్పుడు వరుణ్ తేజ్ కూడా జాయిన్ అవుతున్నాడు. వరుణ్ తేజ్ శనివారం (ఏప్రిల్ 27) పిఠాపురంలో ప్రచారంలో పాల్గొంటాడు.

వరుణ్ తేజ్ ప్రస్తుతం “మట్కా” అనే సినిమాలో నటిస్తున్నాడు. ఆ సినిమా షూటింగ్ కి గ్యాప్ దొరికింది. దాంతో తనవంతుగా జనసేన పార్టీకి ప్రచారం చేసేందుకు వరుణ్ తేజ్ అడుగు ముందుకేశాడు. వరుణ్ తేజ్ తండ్రి నాగబాబు ఈ సారి ఎన్నికల బరిలో లేరు కానీ జనసేన పార్టీ కార్యకలాపాల్లో ఆయనది చురుకైన పాత్ర.

ఇక వరుణ్ తేజ్ తో పాటు మిగతా మెగా హీరోలు కూడా పవన్ కళ్యాణ్ తరఫున ప్రచారం చేస్తారా లేదా అనేది చూడాలి. రామ్ చరణ్, అల్లు అర్జున్ లు బయటికి రాకపోవచ్చు. కానీ మెగాస్టార్ చిరంజీవి మాత్రం ఎదో ఒక రోజు ప్రచారం చేస్తారు అనే మాట వినిపిస్తోంది.

జనసేన – తెలుగు దేశం పార్టీ – భారతీయ జనతా పార్టీ కలిసి ఈ సారి పోటీ చేస్తున్నాయి.