కాపీ కొడితే ఈజీగా దొరికిపోతారిప్పుడు!

ఒకప్పుడు తెలుగు సినిమా సంగీత దర్శకులు హిందీ, తమిళ్, మలయాళం సినిమాల పాటలను అలాగే ఇంగ్లీష్ పాప్ సాంగ్స్ ని కాపీ కొట్టి తమ ట్యూన్స్ గా చెప్పుకునేవాళ్లు. మెల్లగా జనాలకు అర్థమైంది ఏది ఒరిజనలో, ఏది కాపీ ట్యూనో అనేది. మునుపటిలా ఇప్పుడు కాపీ కొట్టడం అంత సులువు కాదు.

మరీ ముఖ్యంగా బాగా వైరల్ అయిన పాటలను జనం సులువుగా గుర్తుపడతారు.

అది శ్రీలంక అయినా, కొరియా అయినా, ఆఫ్రికా అయినా ఇప్పుడు ఏ దేశానికి, ఏ భాషకు, ఏ ప్రాంతానికి చెందిన పాట అయినా బాగుంటే ఇట్టే వైరల్ అయిపోతుంది. అలా బాగా వైరల్ అయిన శ్రీలంక పాట “మణికే మాగే” “Manike Mage Hithe”. యోహని పాడిన ఈ పాటని చమత్ సంగీత్ కంపోజ్ చేశాడు. అలాంటి వైరల్ సాంగ్ ని అనిరుధ్ రవిచందర్ కాపీ కొట్టి దొరికిపోయాడు.

ప్రస్తుతం ఇండియాలో నెంబర్ వన్ మ్యూజిక్ డైరెక్టర్ … అనిరుధ్ రవిచందర్. సినిమాకి 10 కోట్ల వరకు పారితోషికం తీసుకుంటాడు.

ALSO READ: ‘దేవర’ పాట కాపీనా? నిర్మాత రిప్లై

అలాంటి సంగీత దర్శకుడు వేరే పాట నుంచి స్ఫూర్తి పొందినప్పుడు దాన్ని ముందే చెప్పాలి. అలా కాకుండా గప్ చుప్ గా కాపీ కొట్టి ఊరుకుంటే జనం ఊరుకుంటారా. అందుకే, ఇప్పుడు సోషల్ మీడియాలో “మణికే మాగే” నుంచి కాపీ కొట్టారని జనం ట్రోల్ చేస్తున్నారు.

ALSO READ: ‘Chuttamalle’ copy controvery: Original music director responds