మళ్లీ ‘మా’లోకి హేమ

నటి హేమకు మూవీ ఆర్టిస్ట్ అసోసియేషన్ తిరిగి స్వాగతం పలికింది. ఆమెపై పెట్టిన సస్పెన్షన్ ను ఎత్తేసింది. బెంగళూరు డ్రగ్స్ కేసుకు సంబంధించి ఆమెపై అసోసియేషన్ వేటు వేసిన సంగతి తెలిసిందే.

బెంగళూరు రేవ్ పార్టీ డ్రగ్స్ కేసులో హేమను పోలీసులు అరెస్ట్ చేశారు. ఆ టైమ్ లో హేమ తను అక్కడ లేనని, రిసార్ట్ లో ఉన్నానంటూ వీడియో పెట్టారు. చికెన్ బిర్యానీ రెసిపీని కూడా పోస్ట్ చేశారు. అయినప్పటికీ బెంగళూరు పోలీసులు తమ పని తాము చేశారు.

హేమను తీసుకెళ్లి కోర్టులో హాజరుపరిచారు. ఆ తర్వాత ఆమె కొన్నాళ్లు జైళ్లో ఉన్నారు. అదే టైమ్ లో హేమను మూవీ ఆర్టిస్ట్ అసోసియేషన్ తాత్కాలికంగా సస్పెండ్ చేసింది. హేమ తన నిర్దోషిత్వాన్ని నిరూపించుకోవాలని సూచించింది.

తాజాగా హేమ ఓ వీడియో పెట్టారు. టెస్టుల్లో తనకు నెగెటివ్ వచ్చిదంటూ అందులో చెప్పుకొచ్చారు. ఈ వీడియోను, రిపోర్టుల్ని పరిశీలించిన ‘మా’.. అంతర్గతంగా చర్చించి ఆమెపై నిషేధం ఎత్తేయాలని నిర్ణయించింది. ఇదే విషయాన్ని ఆమెకు లిఖితపూర్వకంగా చెప్పారు. తనపై సస్పెన్షన్ ఎత్తేసినందుకు ‘మా’కు థ్యాంక్స్ చెప్పారు హేమ.