19న మంత్రిగా బాధ్యతలు

ప్రముఖ హీరో, జనసేన పార్టీ అధ్యక్షుడు పవన్ కళ్యాణ్ అపూరూపమైన గెలుపు అందుకున్నారు. ఆయన పార్టీ పోటీచేసిన అన్ని స్థానాల్లో (21 అసెంబ్లీ సీట్లు) విజయం చూసింది. టీడీపీ, జనసేన, బీజేపీ కూటమి విజయంలో పవన్ కల్యాణ్ ది ప్రధాన పాత్ర. అందుకే ఆయనకి ఉప ముఖ్యమంత్రి పదవి ఇచ్చారు.

సాధారణంగా ఉపముఖ్యమంత్రి పదవి అంటే ఆరో వేలు అని, పేరు గొప్ప పదవి మాత్రమే అని రాజకీయ విశ్లేషకులు అంటూ ఉంటారు. ఐతే పవన్ కళ్యాణ్ విషయంలో మాత్రం అలా జరగడం లేదు. కీలకమైన శాఖలు అప్పగించారు. అలాగే ఈ కూటమి ప్రభుత్వంలో ఆయనది నెంబర్ 2 అనే సింబాలిక్ గుర్తింపు కూడా ఇచ్చారు.

సో, పవన్ కళ్యాణ్ డిప్యూటీ సీఎం పదవి ఆయన అభిమానులను బాగా ఆనందపరిచింది. ఇక “పవన్ కళ్యాణ్ గారి ఆలోచనలకు, జనసేన సిద్ధాంతాలకు అనుగుణంగా ఉన్న శాఖలను కేటాయించడంతో పార్టీ శ్రేణుల్లో హర్షాతిరేకాలు వ్యక్తమవుతున్నాయి,” అని ఆ పార్టీ కూడా ప్రకటించింది.

ఇక పవన్ కళ్యాణ్ మంత్రిగా ఈ నెల 19న బాధ్యతలు స్వీకరిస్తారు.