జనసేనానికి ఇండస్ట్రీ మద్దతు

పవన్ కళ్యాణ్ మరోసారి ఆంధ్రప్రదేశ్ ఎన్నికల బరిలో నిలిచారు. ఈ సారి ఆయన ఎమ్మెల్యేగా పోటీ చేస్తున్నది పిఠాపురం నుంచి. ఆయనతో పాటు మరో 20 మంది అభ్యర్థులు జనసేన పార్టీ తరఫున బరిలో ఉన్నారు.

పవన్ కళ్యాణ్ గెలుపు కోసం ఇప్పటికే పలువురు హీరోలు, కమెడియన్లు, టీవీ నటులు పిఠాపురం వెళ్లి ప్రచారం చేసిన వైనం చూశాం. తాజాగా మెగాస్టార్ చిరంజీవి తన సోదరుడు పవన్ కళ్యాణ్ ని గెలిపించాలని అభ్యర్థించారు. ఈ మేరకు వీడియో ఒకటి విడుదల అయింది.

అలాగే, నేచురల్ స్టార్ నాని కూడా తన మద్దతు పవన్ కళ్యాణ్ కి అంటున్నారు పవన్ గెలుపుని కాంక్షిస్తూ నాని ట్వీట్ చేశారు.

ALSO READ: Chiranjeevi’s video statement: vote for Pawan Kalyan

మరికొందిమంది నటులు, నిర్మాతలు, దర్శకులు కూడా రానున్న మూడు రోజుల్లో పవన్ కళ్యాణ్ కి మద్దతుగా సోషల్ మీడియాలో ప్రచారం చేస్తారని టాక్.