ఒకదానికి ఒకటి లింక్

నితిన్ చేతిలో ప్రస్తుతం 2 సినిమాలున్నాయి. రెండింటికీ విడుదల తేదీలు ప్రకటించారు. అటుఇటుగా 2 నెలల గ్యాప్ లో ఈ 2 సినిమాలు థియేటర్లలోకి రావాల్సి ఉంది. కానీ ఇప్పుడు లెక్కలు మారిపోయాయి.

‘రాబిన్ హుడ్’ సినిమాను లెక్కప్రకారం క్రిస్మస్ కు విడుదల చేయాలి. కానీ ఆ సినిమా క్రిస్మస్ కు రావడం లేదు. ఈ విషయాన్ని తాజాగా అధికారికంగా ప్రకటించారు. అందుకే ఓ సాంగ్ ను కూడా ‘సాంకేతిక కారణాలు’ అనే సాకు చూపుతూ వాయిదా వేశారు.

ఇప్పుడీ సినిమాను ఎప్పుడు విడుదల చేయాలనే విషయంలో ‘మైత్రీ’ కుస్తీ పడుతోంది. ఎందుకంటే అటు నితిన్ చేస్తున్న మరో సినిమా ‘తమ్ముడు’ శివరాత్రికి విడుదల కావాలి

‘రాబిన్ హుడ్’ కనుక ఫిబ్రవరిలో వస్తే ‘తమ్ముడు’ రిలీజ్ కూడా వాయిదా అవుతుంది. తాజా సమాచారం ప్రకారం “రాబిన్ హుడ్” చిత్రాన్ని వాలెంటైన్స్ డేకి కానీ శివరాత్రికి కానీ రిలీజ్ చేస్తారట. దాంతో దిల్ రాజు నిర్మిస్తున్న ‘తమ్ముడు’ సినిమాని వేసవి సెలవుల్లో చివర్లో రిలీజ్ చేస్తారు.