విడాకులపై రెహమాన్ స్పందన ఇదే

సంగీత దిగ్గజం ఏ ఆర్  రెహమాన్ తన భార్యతో విడాకుల గురించి స్పందించారు. ఆయన భార్య సైరా మొదట విడిపోతున్నట్లు ప్రకటించారు. రాత్రి పొద్దుపోయాక రెహమాన్ తన సోషల్ మీడియాలో పోస్ట్ చేశారు.

29 ఏళ్ల వారి కాపురానికి ముగింపు పడింది. 30వ యానివర్సరీ జరుపుకుంటామని భావించాను కానీ ఇలా జరిగిందని రెహమాన్ వాపోయారు.

“30కి చేరుకోవాలని భావించాం. కానీ అన్నింటికీ ముగింపు ఉంటుంది అని అర్థం అవుతోంది. విరిగిన హృదయాల బరువుకు దేవుని సింహాసనం కూడా వణుకుతుంది. పగిలిన ముక్కలు అతుక్కోవు. అయినా ఈ వేర్పాటులో కూడా అర్థం తెలుసుకునే ప్రయత్నం చేస్తాం. ఈ క్లిష్ట సమయాన్ని దాటే క్రమంలో మాకు అండగా ఉన్న మిత్రులకు ధన్యవాదాలు.”

అది రెహమాన్ స్పందన.

మణిరత్నం తీసిన “రోజా” సినిమాతో ఏ ఆర్ రెహమాన్ సంగీత దర్శకుడిగా పరిచయం అయ్యారు. మొదటి చిత్రంతోనే సంచలనం సృష్టించారు. “రోజా” విడుదలైన మూడేళ్లకు సైరాని పెళ్లాడారు. వీరికి ముగ్గురు పిల్లలు. అందరూ వయసుకు వచ్చినవాళ్ళే. ఇటీవలే అంబానీల పెళ్లి వేడుకలో రెహమాన్, సైరా అన్యోన్యంగా కనిపించారు.