వదిలేసిన సినిమాలు తీసుకోవద్దు!

ఇప్పటికే వరుస ఫ్లాపులతో ఇబ్బంది పడుతోంది. ఇప్పుడు మరో నెగెటివ్ సెంటిమెంట్ ను శ్రీలీలను చుట్టుముట్టింది. మరో హీరోయిన్ వదలేసిన సినిమాల్ని తను చేస్తూ కష్టాలు కొనితెచ్చుకుంటోంది ఈ ముద్దుగుమ్మ.

ముందుగా దీనికి బెస్ట్ ఎగ్జాంపుల్ గా నిలిచింది ‘గుంటూరుకారం’. ఈ సినిమాలో ముందుగా పూజాహెగ్డే హీరోయిన్. ఆమెను తప్పించి, ఆ స్థానంలో శ్రీలీలను హీరోయిన్ ను చేశారు. ఎక్కడా మిస్ ఫైర్ అయ్యే అవకాశమే లేనటువుంటి ప్రాజెక్ట్ అది. కానీ మిస్ ఫైర్ అయింది. శ్రీలీలకు ఆ సినిమా విడుదలైన తర్వాత తెలుగులో మరో పెద్ద సినిమా రాలేదు.

అలాగే, పూజ హెగ్డే చెయ్యాల్సిన “ఉస్తాద్ భగత్ సింగ్” సినిమాలో శ్రీలీల చేరింది. ఆ సినిమా రెండుళ్లుగా అలా ఆగిపోయింది. మళ్ళీ ఎప్పుడు మొదలవుతుందో, ఎప్పుడు రిలీజ్ అవుతుందో చెప్పలేం.

తాజాగా ‘రాబిన్ హుడ్’. నిజానికి ఇది కూడా శ్రీలీల చేయాల్సిన సినిమా కాదు. ఇందులో ముందుగా రష్మికను అనుకున్నారు. ఆమె ప్రొమోషన్ షూట్ కూడా చేసింది. కొన్ని కారణాల వల్ల రష్మిక తప్పుకుంది. ఆ స్థానంలోకి శ్రీలీల వచ్చి చేరింది.

గత వీకెండ్ థియేటర్లలోకి వచ్చిన ‘రాబిన్ హుడ్’కి నెగెటివ్ రిజల్ట్ వచ్చింది.

ఇలా మరో హీరోయిన్ చేయాల్సిన సినిమాల్ని ఇకపై శ్రీలీల అంగీకరించకపోవడమే మంచిదంటున్నారు ఆమె ఫ్యాన్స్. కోరి కష్టాలు తెచ్చుకోవద్దు అని చెప్తున్నారు.