‘మత్తు’లో రియా దొరికేసింది

“మత్తు వదలరా 2” సినిమాతో హీరోయిన్ ఫరియా అబ్దుల్లాకు ఎంత క్రేజ్ వచ్చిందో మనం చెప్పలేం కానీ.. అందులో కీలక పాత్ర పోషించిన ఓ అమ్మాయికి మాత్రం భయంకరమైన పాపులారిటీ వచ్చింది. ఇంకా చెప్పాలంటే జస్ట్ 48 గంటల్లో ఆమె వైరల్ అయింది.

“మత్తు వదలరా 2″లో ఆమె పాత్ర పేరు రియా. రియా ఎవరని అజయ్ అడిగితే దామినీ డాటర్ అని కమెడియన్ సత్య చెబుతాడు.. ఆ సీన్ తో రియా పేరు పాపులర్ అయింది. ఆ పాత్ర పోషించిన అమ్మాయిని వెదికే పనిలో సోషల్ మీడియాలో పడింది. అలా రియా పాత్ర పోషించిన ఇషా యాదవ్ ఓవర్ నైట్ లో పాపులర్ అయింది.

ఇనస్టాగ్రామ్ లో ఈమె చాలా పాపులర్. ఈమె చేసే రీల్స్ ఎప్పటికప్పుడు వైరల్ అవుతుంటాయి. ఈ టాలెంట్ చూసే దర్శకుడు రితేష్ రానా, ఇషాకు అవకాశం ఇచ్చాడు. సినిమా రిలీజైనప్పుడు ఇషాకు పెద్దగా పేరు రాలేదు కానీ, ఓటీటీలోకి వచ్చిన తర్వాత ఆమె పాత్రకు మంచి గుర్తింపు వచ్చింది.

అలా టాలీవుడ్ లో పాపులర్ అయింది ఈ బ్యూటీ. “మత్తు వదలరా 2” ఇచ్చిన క్రేజ్ తో ఆమె మరిన్ని సౌత్ సినిమాల్లో నటించాలనుకుంటోంది.

టాలీవుడ్ వరకు ఆమె ఇషా యాదవ్ అని కాకుండా రియా అని పేరు మార్చుకుంటే బెటరేమో.