అమితాబ్ ఎలా యంగ్ అయ్యారంటే!

నాగ్ అశ్విన్ రూపొందిస్తోన్న “కల్కి 2898 AD” నుంచి అమితాబ్ బచ్చన్ కి సంబంధించిన వీడియో విడుదలైంది. ఈ సినిమాలో అమితాబ్ అశ్వత్థామగా నటిస్తున్నారు. ద్రోణాచార్యుడు కొడుకు అశ్వత్థాముడు. కల్కి అవతారం కోసం అశ్వత్థాముడు నిరీక్షిస్తున్నట్లు ఈ సినిమాలో చూపించారు. వేల సంవత్సరాలుగా ఆయన నిరీక్షిస్తున్నట్లుగా ఈ వీడియోలో ఉంది.

ఇందులో యంగ్ అమితాబ్ లుక్ కూడా ఉంది. అమితాబ్ బచ్చన్ పాతికేళ్ల వయసులో ఉన్నప్పటిలా చూపించారు. ఇదెలా సాధ్యం? బహుశా అభిషేక్ బచ్చన్ ఆ సీన్ లో నటించారా? లేక అమితాబ్ లాంటి పోలికలున్న వ్యక్తికి అలాంటి గెటప్ వేశారా? ఈ ప్రశ్నలకు సమాధానం… టెక్నాలజీ అని చెప్పాలి.

“డీ ఏజ్” అనే సాంకేతికతతో నటుల వయసు తగ్గించే టెక్నాలజీని ఇటీవల హాలీవుడ్ లో విరివిగా వాడుతున్నారు. బాలీవుడ్ లో షారుక్, అమీర్ ఖాన్ సినిమాలల్లో వాడారు. ఇప్పుడు అమితాబ్ కోసం తెలుగులో ఈ సినిమాతో ఆ టెక్నాలజీ అందుబాటులోకి వచ్చింది.

ఈ మధ్య విడుదలైన నాగార్జున మూవీ “నా సామి రంగ”లో కూడా ఈ టెక్నాలజీని కొంత ఉపయోగించారు.

ప్రభాస్ హీరోగా నటిస్తున్న ఈ సినిమాలో అమితాబ్ బచ్చన్ ది చాలా కీలక పాత్ర. ఇక కమల్ హాసన్ ఈ సినిమాలో విలన్ గా నటిస్తున్నారు. దీపికా పదుకొణె, దిశా పటానీ హీరోయిన్లు. ఐతే, “కల్కి 2898 AD”కి సంబంధించిన కొత్త విడుదల తేదీని ఇంకా ప్రకటించలేదు.