ఆర్తికి నెలకు 40 లక్షలు కావాలంట

తమిళ హీరో రవి మోహన్ విడాకుల కేసు కోర్టుకి చేరుకొంది. భార్య ఆర్తితో ఉండడం సాధ్యం కాదని రవి కోర్టుకు చెప్పాడు. విడాకులు కావాల్సిందే అని క్లారిటీ ఇచ్చాడు. మరోవైపు, ఆర్తి కూడా కోర్టుకు భరణం గురించి పిటీషన్ వేసింది అని మీడియా వార్తలు చెప్తున్నాయి.

ఐతే ఆమె అడుగుతున్న భరణం కొంచెం షాకింగ్ గా ఉంది.

రవి మోహన్ తనకు నెలకు 40 లక్షలు ఇవ్వాలి అని ఆమె డిమాండ్ చేస్తోంది. తన భర్త ఆదాయం, తాను నష్టపోయినవి అన్నీ కాలిక్యులేట్ చేసి ఈ మొత్తం అడుగుతున్నట్లు ఆమె పేర్కొంది. సంవత్సరానికి 3 కోట్లపైనే భరణం ఇవ్వాలి అని అడగడం టూమచ్ అక్కా అంటూ ఆమె అభిమానులు సైతం ట్విట్టర్లో సెటైర్లు వేస్తున్నారు.

హీరోగా కోట్లు సంపాదిస్తున్న రవికి అది పెద్ద మొత్తం కాదు అని ఆమె వాదన. అంతే కాదు, తన కుమారులు కూడా తన వద్దే ఉంటారు. కాబట్టి అంత మొత్తం కావాలని ఆమె చెప్తోంది. కేసు వచ్చే నెలకి వాయిదా పడింది.